കണ്ണില് കണ്ട കണ്ണട കഥകളുമായി സമയം നഷ്ടപ്പെടുന്നുണ്ടായിരിക്കാം പക്ഷെ എനിക്ക് പറയാതെ വയ്യ. വളരെ ഏറെ തയ്യാറെടുപ്പുകളോടെ ഞങ്ങള് - എന്ന് പറഞ്ഞാല് ഇപ്പോള് ഞാനും എന്റെ രേഖയും മക്കള് അരുന്ധതിയും വസുന്ധരയും മാത്രം. കോഴിക്കോട്ടെ താമസത്തിനിടയില് വയനാട്ടിലേക്ക് ഒരു യാത്ര പോയി. നഗരത്തിന്റെ ഉപരിപ്ലവതകള് താരതമ്യേന കുറവുമാത്രം തീണ്ടിയ കോഴിക്കോട് തന്നെ ഞങ്ങള്ക്ക് അത്ഭുതമായിരുന്നു. നഗര ഹൃദയത്തില് പോലുമുള്ള സ്വാഭാവിക മരങ്ങള് പോലെ; സിവില് സ്റ്റേഷന് സ്ഥിതി ചെയ്യുന്ന ഇടവും അതിനുമപ്പുറമുള്ള മലാപരമ്പും സംരക്ഷിക്കുന്ന വന്മരങ്ങള് പോലെ. വയനാട്ടിലേക്കുള്ള പാതകള് അസ്വാഭിക നിമ്നോന്നതങ്ങള് സംരക്ഷിക്കുന്നവയായതിനാല് കൌതുകകരമായിരുന്നു ആ യാത്ര. എന്റെ കൂടെയുണ്ടായിരുന്ന ആറ് പെണ്കണ്കളിലും നിറഞ്ഞു കവിയുന്ന അത്ഭുതങ്ങളും ആഹ്ലാദങ്ങളും കാണേണ്ടത് തന്നെ യായിരുന്നു.
കോഴിക്കോട് നിന്നും വയനാട് !
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ